Rusia do të ndërtojë katër nëndetëse të reja me raketa balistike që do të garantojnë sigurinë e vendit për dekada, tha Putin.
Nëndetëset dhe anijet e reja me sisteme moderne të lundrimit dhe komunikimit, do të pajisen me armë me precizion të lartë dhe sisteme robotike.
Putin shtoi se nëndetësja e Generalissimus Suvorov e armatosur me raketa balistike Bulava (Mace) do të “rriste ndjeshëm aftësitë” e forcave detare bërthamore.
“Dhe dua të theksoj se në kuadër të programit aktual shtetëror të armatimit, do të ndërtohen edhe katër nëndetëse të tjera, të cilat do të garantojnë sigurinë e Rusisë për dekadat e ardhshme”, tha ai.
Përveç kësaj, Putin tha se anija e vogël raketore Grad Sviyazhsk është gjithashtu një projekt i gjeneratës së re, duke specifikuar se anijet kryejnë në mënyrë efektive detyra luftarake në Siri dhe gjatë “operacionit special ushtarak” në Ukrainë./UBTNews/