Rusia po punon për lehtësimin e procedurave të vizave për gjashtë vende, përfshirë Indinë, Sirinë dhe Indonezinë, raporton agjencia shtetërore e lajmeve TASS, duke cituar zëvendësministrin e Jashtëm të Kremlinit, Evgeny Ivanov.
Njoftimi vjen pasi Ivanov tha se Rusia po përgatit marrëveshje ndërqeveritare për udhëtime pa viza me 11 vende, duke përfshirë Arabinë Saudite, Barbados, Haitin, Zambinë, Kuvajtin, Malajzinë, Meksikën dhe Trinidadin.
“Përveç Indisë (thjeshtimi i procedurave) po punohet edhe me Angolën, Vietnamin, Indonezinë, Sirinë dhe Filipinet”, tha Ivanov.
Që nga fillimi i pushtimit rus të Ukrainës, Moska i është drejtuar Kinës, Indisë dhe vendeve afrikane, duke u përpjekur të kërkojë lidhje më të ngushta atje.
Ndërsa BE, SHBA dhe Japonia dënuan pushtimin e Rusisë dhe vendosën sanksione, Kina dhe India nuk e kanë bërë asnjërën./UBTNews/