Roscosmos i Rusisë dhe agjencia hapësinore amerikane NASA janë pajtuar për të vazhduar fluturimet drejt dhe nga Stacioni Ndërkombëtar Hapësinor (ISS) deri të paktën në vitin 2025, njoftoi Roscosmos të enjten.
Në marrëveshje përfshihet një praktikë e quajtur “fluturime të kryqëzuara”, për të dërguar ekuipazhe të kombësive të ndryshme në ISS me të njëjtën anije kozmike, zakonisht një anije ruse Soyuz, megjithëse vitet e fundit kompania tregtare amerikane SpaceX ka filluar të transportojë njerëz në laboratorin orbital.
“U arrit një marrëveshje për të vazhduar fluturimet e kryqëzuara deri në vitin 2025”, njoftoi Roscosmos në një deklaratë për media./UBTNews/