Karta grafike RTX 4080 me 16GB RAM e Nvidia, është zbuluar në 3DMark Benchmark duke na dhënë një ide të performancës gaming që mund të presim.
RTX 4080 shënoi 17465 pikë në FireStrike Extreme dhe 13977 pikë në TimeSpy Extreme. Duke krahasuar rezultatet me modelin 12GB, duke qenë se RTX 4080 vjen në dy variante me 12 dhe 16GB RAM, ky i fundit ka 50% më shumë performancë në të dy rastet.
Në 3DMark Port Royal RTX 4080 arrin 17607 pikë ose 45% më shumë sesa modeli 12GB. Tek specifikat shfaqet RTX 4080 me një frekuencë turbo prej 2.5.Ghz. Po nga i njëjti burim informacioni është publikuar edhe performanca në rezolucionin 4K të RTX 4080 me lojën Shadow of the Tomb Raider ku shënoi 128fps.
Edhe pse shumë përdorues mund të jenë zhgënjyer me performancën e 3DMark, ato janë brenda pritshmërive. Por zhgënjimi më i madh do të jetë çmimi sepse RTX 4080 kushton 60% më shumë sesa paraardhësi RTX 3080 duke ofruar 50% më shumë performancë./PCWorld Albanian