Kryetarja e Komisionit të Autoritetit të Konkurrencës Neime Binaku – Isufi, dhe përfaqësuesi Adrian Mustafa prezantuan para studentëve të UBT-së legjislacionin e aplikueshëm dhe mekanizmat zbatues të konkurrencës. Gjithashtu, ata ilustruan kompetencat e Autoritetit të Konkurrencës përmes shembujve konkret.
Ligjëratës iu bashkuan ekspertë nga Bashkimi Evropian, pjesë e projektit të financuar nga BE-ja “Mbështetja e Autoritetit të Konkurrencës dhe Komisionit për Ndihmë Shtetërore”.
Interesimit të madh të studentëve për mbrojtjen e konsumatorit përmes zbatimit të ligjit të konkurrencës iu përgjigjën panelistët duke i siguruar që kjo është mënyra më e mirë për të arritur një treg të barabartë për ta dhe për bizneset.
