Të paktën 30 persona kanë humbur jetën këtë javë në Pakistan si pasojë e përmbytjeve të shkaktuara nga shirat e rrëmbyeshëm. Autoritetet raportojnë se përmbytjet kanë shkaktuar dëme të mëdha në shumë zona të vendit.
Lahore, qyteti i dytë më i madh në Pakistan, u përfshi nga përmbytjet e raportuara si më të rënda në më shumë se katër dekada. Shiu i dendur ka shkaktuar edhe rrëshqitje dheu në të gjithë Azinë Jugore gjatë javës së kaluar, duke rezultuar në të paktën 195 viktima dhe rreth 200 persona të zhdukur, veçanërisht në Indinë fqinje.
Zyrtarët e shërbimeve në Punjab, një provincë verilindore e Pakistanit, njoftuan se rekordi 44-vjeçar i reshjeve u thyen në Lahore. Këto reshje të forta kanë shkaktuar përmbytje të rënda dhe shembje të ndërtesave, duke sjellë vdekje dhe dëme të konsiderueshme materiale.
Në Khyber Pakhtunkhwa, një provincë tjetër e prekur rëndë nga kjo fatkeqësi natyrore, raportohet se 12 fëmijë janë ndër 22 viktimat që humbën jetën në tre ditët e fundit nga shirat e rrëmbyeshëm.
Situate është e vështirë dhe autoritetet presin që kushtet të përkeqësohen edhe më tej në jug të vendit gjatë kësaj jave. Organizatat e ndihmës dhe autoritetet lokale po përpjekin të reagojnë për të minimalizuar dëmet dhe për të ndihmuar të prekurit nga kjo situatë katastrofike./UBTNews/