Gjykatat kineze ndoqën penalisht 8.3 milionë njerëz për pesë vjet deri në vitin 2022, një rritje prej 12% në krahasim me periudhën e mëparshme. Po ashtu raportohet se ka rritje prej gati 20% të numrit të protestave ndaj vendimeve të gjykatave.
Kjo tregon se si sistemi famëkeq i patejdukshëm i drejtësisë i Kinës ka funksionuar vitet e fundit, në mes të një mjedisi shtrëngues të sigurisë së brendshme.
Zhang Jun, drejtori në largim i SPP-së, tha se ndjekjet penale për krimet e dhunshme u ulën me 31.7%, ndërsa ndjekjet penale për krimet e bazuara në internet, si lojërat e fatit, mashtrimet dhe shpërndarja e materialeve të turpshme, u rritën me 43.3%.
Një raport i mëparshëm i SPP-së vuri në dukje se ka pasur 1 mijë e 400 ndjekje penale të sigurisë kombëtare midis viteve 2018 dhe 2022, por kjo nuk u përmend në raportin zyrtar të punës.
Me ardhjen në pushtet të presidentit Xi Jinping, autoritetet kineze kanë rritur fokusin e tyre në krimet e sigurisë kombëtare dhe publike, përfshirë këtu shënjestrimin e disidentëve, protestuesve dhe avokatëve të të drejtave të njeriut./UBTNews/