Rritet numri i familjeve që kanë përfituar nga skema e ndihmës sociale në muajin maj 2023 krahasuar më muajin paraprak prill të këtij viti.
Gjatë muajit maj nga skema e ndihmës sociale kanë përfituar 21 mijë e 312 familje apo 185 sosh më shumë krahasuar me muajin prill të këtij viti sa ishin 21 mijë e 127 familje.
Po ashtu edhe numri i anëtarëve të familjeve të cilët kanë përfituar nga skema e ndihmës sociale është rritur për 438 anëtarë në muajin maj krahasuar me muajin prill të këtij viti.
Numri i përgjithshëm I anëtarëve të familjeve që kanë përfituar nga skema e ndihmës sociale në maj ka arrit 84 mijë 249 anëtarë, ndërsa në muajin prill kanë qenë 83 mijë e 811.
Ndërsa, komuna e Mitrovicës vazhdon të jetë komuna me numrin më të madh të familjeve nën asistencë sociale me 2 mijë e 59 familje.
Sipas raportit të fundit të Agjencisë së Statistikave të Kosovës, rritja ka shënuar edhe skema e pensioneve për veteranët e luftës në muajin maj.
Gjatë muajit maj kanë përfituar nga kjo skemë 36 mijë e 821 veteranë luftës së fundit ose 41 më shumë se në muajin prill të këtij viti.
Numri i përgjithshëm i atyre që kanë përfituar nga skema e pensioneve për veteranët e luftës në maj është 36 mijë e 821 veteranë, kurse gjatë muajt prill numri ka qenë 36 mijë e 780 sosh.
Ndërkaq, komuna e Deçanit vazhdon ta ketë numrin më të madh të përfituesve nga kategoria e veteranëve, me 4 mijë 47 përfitues gjatë muajit maj 2023.