Rreth 2,000 automjete kanë mundur të largohen nga qyteti i rrethuar i Mariupolit në Ukrainën juglindore të martën, tha në një deklaratë këshilli i qytetit të Mariupolit, përcjell UBT News.
Rreth 2,000 të tjera u parkuan në rrugën kryesore jashtë qytetit që nga ora 14:00, shtohet në deklaratë.
Largimet u bënë pavarësisht dështimit të vazhdueshëm për të krijuar zyrtarisht korridore të sigurta për evakuimin e civilëve nga Mariupol, i cili është rrethuar që nga 1 marsi.
Të hënën, rreth 160 makina private arritën të largoheshin nga qyteti, tha këshilli, duke shtuar se deri në orën 10 të mëngjesit me orën lokale, rreth 300 banorë të Mariupolit arritën në Zaporizhzhia, ku kishin marrë ndihmë./UBTNews/