”Qëllimi i masave të reja është krijimi i një kulture të re të riprodhimit dhe martesës dhe promovimi i një qëndrimi pozitiv ndaj martesës dhe familjes”, deklaroi Këshilli Shtetëror i Kinës.
Autoritetet lokale duhet të zbatojnë rregulla për të lehtësuar kushtet e pushimit për prindërit e rinj. Qeveria qendrore tha se po shqyrtonte gjithashtu uljen e taksave dhe një sistem të ndihmës së lindjes. Planet përfshinin akses më të madh dhe më të lehtë në kujdesin ndaj fëmijëve dhe kujdesin shëndetësor të fëmijëve. Dhe platformat e reja publike do t’i ndihmojnë të rinjtë të gjejnë një partner.
Detajet se sa para’ do të viheshin në dispozicion dhe kur nuk u specifikuan. Problemet demografike të Kinës po bëhen më urgjente përballë kostove të larta të arsimit në qendrat kryesore, papunësisë së lartë të të rinjve dhe ngadalësimit të ekonomisë.
Popullsia, që aktualisht vlerësohet në 1,4 miliardë, vazhdon të bjerë, pavarësisht përfundimit të politikës së kahershme të një fëmije, 10 vjet më parë. Deri në vitin 2050, sipas vlerësimeve, rreth 500 milionë kinezë do të jenë të moshës 60 vjeç e lart. Sipas raportimeve, disa qytete po i shndërrojnë shkollat fillore në shtëpi për të moshuarit./Agjencia Telegrafike Shqiptare/