Rektori i UBT-së, prof.dr. Edmond Hajrizi, ka prezantuar para rektorëve të universiteteve të Ballkanit modelin e UBT-së, në kuadër të programit të Bashkimit Evropian Erasmus+ (Mobility staff), si njëri prej institucioneve që ka bërë revolucion në teknologjinë dhe inovacionin në Kosovë dhe rajon.
Ai shpalosi rolin inovativ të ekosistemit të dijes, me theks sistemin e kërkimit arsimor dhe sistemin e inovacionit për ekosistemet e vogla në vend, teksa Bullgaria u bë nikoqir i prezantimit të konceptit të UBT-së, “UBT Smart City”, që është qendra më e madhe e teknologjisë dhe inovacionit në Kosovë.
Rektorët e universiteteve të Ballkanit dhe të pranishmit e tjerë u njoftuan nga rektori i UBT-së, prof.dr. Edmond Hajrizi me punën shkencore të UBT-së, si dhe rolin e madh që ka institucioni në nxjerrjen e kuadrove profesionale në fushat e teknologjisë, inxhinierisë, inovacionit dhe sistemeve.
