Kreu rus i qytetit ukrainas të Mykhailivka-s në pjesën e kontrolluar nga Rusia në rajonin Zaporizhzhia, u vra në një sulm me makinë bombë të martën, tha një zyrtar në administratën e rajonit të mbështetur nga Rusia.
Në një njoftim në Telegram, anëtari i administratës së rajonit të Zaporizhzhia-s, Vladimir Rogov tha se kreu i Mykhailivka-s, Ivan Sushko, u plagos rëndë pasi një bombë që ishte vendosur nën makinën e tij shpërtheu. Si pasojë e plagëve të marra, ai vdiq në spital.
Është viktima tjetër e radhës në një seri atentatesh ndaj zyrtarëve rusë në zonat e pushtuara të Ukrainës. Në rajonin fqinj Kherson, nënkryetari i qytetit të Novaya Kakhovka u qëllua për vdekje në shtëpinë e tij më 6 gusht./UBTNews/