Më shumë se 450 klerikë katolikë të rritur abuzuan me afro 2 mijë fëmijë në shtetin e Illinoisit gjatë një periudhe gati 90-vjeçare, sipas një raporti të publikuar të martën nga Prokurori i Përgjithshëm i Illinoisit, Kwame Raoul.
“Ky raport zbulon emrat dhe informacionin e detajuar të 451 klerikëve katolikë dhe vëllezërve fetarë që abuzuan me të paktën 1 mijë e 997 fëmijë në të gjitha dioqezat në Illinois”, thuhet mes tjerash në raport.
Hetimi identifikoi 275 klerikë dhe vëllezër fetarë të dyshuar abuzues në Kryedioqezën e Çikagos, 43 në Dioqezën e Belleville, 69 në Joliet, 51 në Peoria, 24 në Rockford dhe 32 në Springfield.
Raporti përmban rrëfime të detajuara për dyshimet lidhur me abuzimet seksuale, si dhe lista të klerikëve të akuzuar. Raporti përfundon me rekomandime për hetime më uniforme dhe të koordinuara të abuzimit seksual brenda kishës së Illinoisit, kujdes më të madh për të mbijetuarit dhe që dioqezat të përditësojnë zbulimet e tyre për abuzuesit e dyshuar./UBTNews/