Vitet e fundit është rritur numri i njerëzve që janë bërë viktima të skllavërisë moderne, tregon një studim i ri që u publikua të mërkurën në Londër.
Rreth 50 milionë njerëz “jetonin në situata të skllavërisë moderne” në vitin 2021, sipas Indeksit Global të Skllavërisë të lëshuar nga organizata e të drejtave të njeriut Walk Free.
Kjo është një rritje prej 10 milionë krahasuar me një vlerësim që u dha pesë vjet më parë.
Situata po përkeqësohet “kundër një sfondi të konflikteve të armatosura në rritje dhe më komplekse, degradimit të gjerë mjedisor” dhe pasojave nga pandemia COVID-19, ndër faktorë të tjerë.
Çfarë është skllavëria moderne?
Walk Free e përshkruan skllavërinë moderne si “një grup konceptesh ligjore specifike duke përfshirë punën e detyruar, skllavërinë e borxhit, martesën e detyruar, skllavërinë dhe praktikat e ngjashme me skllavërinë dhe trafikimin e qenieve njerëzore”.
“Skllavëria moderne është e fshehur në pamje të qartë dhe është e ndërthurur thellë me jetën në çdo cep të botës. Çdo ditë, njerëzit mashtrohen, detyrohen ose bien pre e situatave shfrytëzuese që ata nuk mund t’i refuzojnë ose largohen”, theksoi mes tjerash studimi.
27.6 milionë njerëz detyrohen për punë në skllavërinë moderne, ndërsa 22 milionë detyrohen për martesë ose gati një në çdo 150 njerëz në botë, thuhet në raport.
Koreja e Veriut (104.6 persona për 1000 banorë), Eritrea (90.3) dhe Mauritania (32) kanë numrin më të lartë të viktimave të skllavërisë moderne, thuhet në raport./UBTNews/