Agjencia shtetërore e lajmeve BelTA në Bjellorusi raportoi se një raketë ukrainase S-300 ka rënë në territorin e Bjellorusisë gjatë një prej sulmeve më të mëdha raketore të Rusisë kundër Ukrainës që nga fillimi i luftës.
Ministria e Mbrojtjes e Minskut po heton nëse sistemet e mbrojtjes ajrore të Bjellorusisë e kanë rrëzuar raketën. BelTA tha se raketa që ra në Bjellorusi kishte ardhur nga territori ukrainas.
Kievi ka përdorur sistemin S-300 për të kapur raketat ruse në hyrje, ndërsa Rusia duket se përdor raketa të ripërdorura S-300 për të sulmuar objektivat tokësore – diçka që analistët ushtarakë thonë se mund të jetë një shenjë se rezervat e saj të raketave po pakësohen./UBTNews/