Presidenti iranian, Ebrahim Raisi tha të mërkurën se vdekja e një gruaje në paraburgim ka pikëlluar popullin iranian, por paralajmëroi se “kaosi” është i papranueshëm mes protestave të dhunshme pas vdekjes së Mahsa Aminit.
Vdekja e Aminit dy javë më parë ka ndezur protesta antiqeveritare në të gjithë Iranin. Protestuesit bënë thirrje për t’i dhënë fund pushtetit të klerikëve islamikë për më shumë se katër dekada.
“Të gjithë jemi të pikëlluar nga ky incident tragjik… Sidoqoftë, kaosi është i papranueshëm”, deklaroi Raisi në një intervistë për televizionin shtetëror.
“Vija e kuqe e qeverisë është siguria e popullit tonë… Nuk mund të lejojmë që njerëzit të prishin qetësinë e shoqërisë përmes trazirave”, shtoi ai.
Pavarësisht rritjes së numrit të vdekjeve dhe reagimit të ashpër nga forcat e sigurisë duke përdorur gaz lotsjellës, shkopinj dhe në disa raste municione të drejtpërdrejta, videot që po qarkullojnë në rrjete sociale shfaqin iranianët që këmbëngulnin në protesta, duke brohoritur “Vdekje diktatorit”./UBTNews/