Kryetari i Komisionit Qendror të Zgjedhjeve, Kreshnik Radoniqi priti në takim edhe ambasadorin e Francës në Kosovë, Olivier Guérot.
Kryetari Radoniqi e njoftoi ambasadorin Guérot se aktualisht Komisioni Qendror i Zgjedhjeve është duke punuar në harmonizimin e Rregulloreve Zgjedhore, proces ky i domosdoshëm pas miratimit në Kuvend të Ligjit për Zgjedhjet e Përgjithshme. Për këtë qëllim, ai bëri të ditur se KQZ ka evidentuar ndryshimet në çështje të caktuara të procesit zgjedhor.