Qindra banorë nga Gaza janë në radhë për të blerë bukë në qytetin jugor të Khan Younis, pasi Izraeli urdhëroi evakuimin e vendit.
Korrespondenti i BBC-së, Rushdi Abualouf përshkroi se atyre iu dhanë vetëm pesë copa bukë secilit dhe se shumë prej tyre jetojnë me familje të tjera në shtëpi dhe duhet të ushqehen.
Qyteti, normalisht shtëpia e 400 mijë njerëzve, ka tejkaluar 1 milion.
Në të njëjtën kohë, organizatat humanitare paralajmërojnë se uji në Gaza po mbaron.
Agjencia palestineze e OKB-së për refugjatët UNRWA i tha BBC-së të hënën se 6 mijë njerëz të zhvendosur janë në bazën e furnizimit në Rafah, ku uji po reduktohet në vetëm një litër ujë për person në ditë.