Qeveria suedeze ka thënë në faqen e saj të internetit se ka vendosur të aplikojë për anëtarësim në NATO.
“Vlerësimi i qeverisë është se anëtarësimi në NATO është mënyra më e mirë për të mbrojtur sigurinë e Suedisë në dritën e mjedisit të ndryshuar thelbësisht të sigurisë pas pushtimit të Rusisë në Ukrainë”, thuhet në deklaratë.
Në deklaratë thuhej se vendimi bazohet në një “analizë sigurie” në të cilën qeveria ftoi “partitë e tjera të Riksdag (parlamentit) të marrin pjesë”. Përfundimet e tij u prezantuan në një raport më 13 maj.
Më herët të hënën, kryeministrja suedeze, Magdalena Andersson tha se Suedia duhet t’i bashkohet NATO-s së bashku me Finlandën fqinje për “të garantuar sigurinë e popullit suedez”.
Kur u pyet se kur saktësisht Suedia do ta dorëzojë aplikacionin, Andersson tha se mund të ndodhë këtë javë – të hënën, të martën ose të mërkurën. Ajo shtoi se kjo duhet të bëhet në koordinim me Finlandën./UBTNews/