Qeveria e Kosovës ka miratuar të mërkurën propozim-vendimin për emërimin e Bordit Mbikëqyrës të Ndërmarrjes Publike Qendrore “Trepça”.
Kryeministri Albin Kurti ka thënë se procesi i rekrutimit është monitoruar nga organizatat joqeveritare dhe se anëtarët e bordit janë Mentor Berisha kryesues, Fadil Bejta anëtar, Merita Gashi anëtare, Sadije Gashi anëtare, Alban Krasniqi anëtar.
“Komisioni rekomandues ka rekomanduar listën përfundimtare me 18 kandidat. Ky proces është monitoruar nga organizata e shoqërisë civile. Sot po emërojmë pesë anëtarë të bordit, kjo mundëson që të kemi një bord funksion dhe që të nis punën menjëherë. Duke pasur parasysh këtë arsyetim për anëtar të bordit mbikëqyrës ‘Trepça’ propozoj të emërohen këtë kandidat: Mentor Berisha kryesues, Fadil Bejat anëtar, Merita Gashi anëtare, Sadije Gashi anëtare, Alban Krasniqi anëtar, mandati i tyre zgjatë katër vite”, ka thënë Kurti.