Sanksionet e vendosura ndaj Rusisë nga Perëndimi po “provokojnë” një krizë globale, tha sot presidenti rus Vladimir Putin gjatë një takimi mbi çështjet ekonomike, përcjell UBT News.
“Autorët e tyre, të udhëhequr nga ambiciet politike dritëshkurtër, të fryra, rusofobia, goditën në një masë më të madhe interesat e tyre kombëtare, ekonomitë e tyre, mirëqenien e qytetarëve të tyre. Ne e shohim këtë, para së gjithash, në një rritje të mprehtë të inflacionit në Evropë”, tha Putin.
Sipas liderit rus, vazhdimi i sanksioneve do të çojë në mënyrë të pashmangshme në “pasojat më të vështira, të pazgjidhshme” për Bashkimin Evropian, si dhe për vendet më të varfra në botë.
“Faji për këtë është tërësisht i elitave të vendeve perëndimore, të cilat janë të gatshme të sakrifikojnë pjesën tjetër të botës për të ruajtur dominimin e tyre global”, tha ai.
Putin shtoi se Rusia po përballet me sfidat e jashtme të provokuara nga sanksionet perëndimore dhe inflacioni në vend po ngadalësohet./UBTNews/