Presidenti rus, Vladimir Putin të martën kritikoi ato që ai i përshkroi si përpjekjet e Shteteve të Bashkuara të Amerikës (ShBA) për të ruajtur dominimin e saj global, duke thënë se ato janë të destinuara të dështojnë.
Duke folur teksa merrte kredencialet nga ambasadorët e huaj në Moskë, Putin tha se “zhvillimi objektiv drejt një bote multipolare përballet me rezistencën e atyre që përpiqen të ruajnë hegjemoninë në çështjet globale dhe të kontrollojnë gjithçka – Amerikën Latine, Evropën, Azinë dhe Afrikën”.
Ai shtoi se “hegjemonia ia ka dalë ta bëjë këtë për një kohë mjaft të gjatë, por nuk mund të vazhdojë përgjithmonë […] pavarësisht nga zhvillimet në Ukrainë”./UBTNews/