Presidenti rus, Vladimir Putin tha se ekonomia ruse i ka rezistuar me sukses sanksioneve të reja perëndimore pas pushtimit të Ukrainës. Ai paralajmëroi se sanksionet do të kthehen kundër Perëndimit. Për shembull, ai tha se kufizimet perëndimore mbi eksportet e plehrave nga Rusia dhe Bjellorusia aleate do të rrisin çmimet globale të plehrave, duke çuar përfundimisht në mungesë ushqimi dhe rritje të flukseve të migracionit.
Putin tha se “arsyeja e shëndoshë duhet të mbizotërojë” dhe shtoi se Perëndimi “duhet t’i kthehet arsyes dhe të marrë vendime të balancuara mirë pa humbur fytyrën”. Sipas tij, “ata nuk do të arrijnë të mbyllin të gjitha dyert dhe dritaret”./UBTNews/