Presidenti rus Vladimir Putin tha se SHBA-ja kishte injoruar kërkesat e Rusisë që NATO të mos zgjerohet drejt lindjes në komentet e tij të para për rritjen e tensioneve mbi Ukrainën në më shumë se një muaj.
Por ai shtoi se Moska është ende e hapur për më shumë bisedime me Perëndimin për lehtësimin e tensioneve rreth Ukrainës.
Putin tha se Kremlini po studionte ende përgjigjen e SHBA-së dhe NATO-s ndaj kërkesave të sigurisë së Rusisë. Ai shtoi se SHBA dhe aleatët e saj kanë shkelur detyrimet për integritetin e sigurisë të bëra në Organizatën për Siguri dhe Bashkëpunim në Evropë (OSBE).
Putin pas takimit me kryeministrin hungarez Viktor Orban në Kremlin folën për tensionet në Ukrainë. Në një konferencë për shtyp, Orban argumentoi se “politika e sanksioneve kundër Rusisë i ka shkaktuar më shumë dëm Hungarisë sesa Rusisë”.
Ai tha se Hungaria kishte humbur disa tregje për shkak të politikës së sanksioneve, e cila fillimisht hyri në fuqi në vitin 2014 për veprimet e Rusisë në Ukrainë.
Sa i përket NATO-s, Orban tha se hendeku midis Rusisë dhe NATO-s ishte ende i gjerë, por jo “i pakalueshëm”./UBTNews/