Kremlini ka konfirmuar se presidenti rus, Vladimir Putin nuk do të marrë pjesë në funeralin e Mikhail Gorbachev, të shtunën.
Zëdhënësi Dmitry Peskov tha se presidenti nuk do të marrë pjesë për shkak të agjendës së ngjeshur.
Gorbachev, ish-lider i Bashkimit Sovjetik, që i dha fund Luftës së Ftohtë, vdiq këtë javë në moshën 91-vjeçare. Raportet e tij me Putinin nuk ishin edhe aq të mira. Madje ai kritikoi edhe luftën e Rusisë në Ukrainë.
Kremlini njoftoi se Putini ka vendosur lule në Spitalin e Moskës në shenjë nderimi, këtë mëngjes. Në atë spital qëndroi edhe biznesmeni rus, i cili raportohet se ka vdekur pasi ra nga dritarja mëngjesin e sotëm. Ravil Maganov, kryetar i bordit në Lukoil, ishte kritik i hapur i luftës në Ukrainë./UBTNews/