Presidenti rus, Vladimir Putin dhe homologu i tij turk, Recep Tayyip Erdogan do të diskutojnë rreth eksportit të grurit ukrainas në një takim në Teheran të martën, u tha një ndihmës i Kremlinit gazetarëve.
“Çështja e dërgesës së grurit ukrainas do të diskutohet me Erdoganin… Ne jemi gati të vazhdojmë punën në këtë rrugë”, deklaroi Yuriy Ushakov, këshilltar i Putinit për politikën e jashtme, të hënën.
Portet e Detit të Zi të Ukrainës, deri më tani kanali kryesor për eksportet e saj bujqësore, janë bllokuar qëkur Rusia filloi atë që ajo e quan “operacionin e saj special ushtarak” në Ukrainë. Ukraina dhe Rusia janë të dyja furnizuesit kryesorë të grurit në tregjet globale./UBTNews/