Punëtorët e sigurimit fizik në KEK, të cilët po protestojnë janë ulur para objektit të Qeverisë së Kosovës, ku thanë se po presin që dikush të bisedojë me ta.
Protesta e punëtorëve të sigurimit fizik në Korporatën Energjetike të Kosovës (KEK) ka nisur para Ministrisë së Ekonomisë, ku dhjetëra protestues po protestojnë për shkak të mospërmbushjes së premtimit nga pushteti për kthimin e tyre në kuadër të KEK-ut.
Kryetari i Sindikatës së Re të KEK-ut, Nexhat Llumnica tha se punëtorët fizikë janë të diskriminuar.
Ai theksoi se këta punëtorë janë dëmtuar rrënjësisht, meqë janë të shantazhuar e të shkelur.