Një videokamerë që ishte zhdukur për më shumë se 15 vjet pasi u hodh nga një gazetar japonez, i cili u qëllua për vdekje gjatë një kryengritjeje të vitit 2007 në Mianmar, i është dorëzuar motrës së tij në një ceremoni në Bangkok dhe u publikuan imazhet e saj përfundimtare.
Kenji Nagai ishte në Yangon duke incizuar protestat në krye të të cilave ishin murgjit budistë më 27 shtator të vitit 2007, pjesë e një kryengritjeje paqësore kundër disa dekadave të sundimit ushtarak të njohur si Revolucioni i Shafranit – kur ushtarët mbërritën dhe qëlluan mbi turmën.
Gazetari 50-vjeçar, i cili punonte për agjencinë japoneze APF News, u qëllua për vdekje. Ai ishte një nga rreth dhjetë personat e vrarë atë ditë./UBTNews/