Meksika është goditur nga një tërmet, magnituda e të cilit ishte 7.6 ballë të shkallës Rihter. Një person është vrarë në Manzanillo, Colima. Kjo është hera e tretë në historinë e fundit që vendi goditet nga tërmetet më datë 19 shtator. Dy të tjerët ndodhën më 1985 dhe 2017.
Shërbimi Gjeologjik i SHBA-së raportoi se tërmeti kishte rënë në orën 13:05. AP raporton se sipas Mbrojtjes Civile Kombëtare të Meksikës, nivelet e ujit bregdetar mund të ndryshojnë deri në 82 cm pranë epiqendrës së tërmetit.
Fatkeqësia ngre pyetjen se, pse vendi i Amerikës Qendrore është i ndjeshëm ndaj tërmeteve kaq të shpeshta?
Qendra Amerikane e Paralajmërimit të Cunamit në Paqësor ka thënë se valët që arrijnë një deri në tre metra mbi nivelin e baticës kanë shanse të godasin zonat bregdetare të Meksikës perëndimore gjatë natës.
Meksika ndodhet në një zonë subduksioni – vend ku një pllakë oqeanike (Cocos) po fundoset nën pllakën kontinentale të Amerikës së Veriut. Fërkimi i vazhdueshëm midis dy pllakave krijon shumë energji e cila më pas lirohet si tërmet.
Zonat e zhytjes janë vendet ku mund të ndodhin tërmete me magnitudë 9.0 ose më shumë. Një shembull i fundit do të ishte tërmeti i vitit 2011 në Japoni që rezultoi me 19,747 të vdekur.
Tërmetet e vitit 2017 në Meksikë mund të kishin qenë më të forta nëse do të kishin ndodhur midis Cocos dhe pllakës së Amerikës së Veriut. Sidoqoftë, origjina e tyre ishte në Cocos./UBTNews/