Dërgesat e karburantit janë bllokuar nga të gjitha rafineritë franceze, sipas zyrtarëve të sindikatës, pasi protestuesit synojnë të ndalojnë planet e qeverisë franceze për të rritur moshën e pensionit nga 62 në 64 vjeç.
“Greva ka filluar kudo”, tha Eric Sellini nga sindikata CGT.
E marta shënoi ditën e gjashtë të grevave dhe protestave që nga mesi i janarit, me sindikatat që thanë se kjo do të ishte më e madhja deri më tani.
Shumica e shërbimeve të trenave dhe metrosë janë anuluar dhe shumë shkolla janë mbyllur.
Të paktën 260 demonstrata priten në të gjithë Francën të martën, me vlerësimet e policisë nga 1.1 deri në 1.4 milion qytetarë që marrin pjesë.
Me qeverinë që nuk tregoi asnjë shenjë për t’u tërhequr nga plani i saj, një udhëheqës i sindikatave, Emmanuel Lépine, tha javën e kaluar se qëllimi i bllokimit të dërgesave të karburantit ishte “të gjunjëzonte ekonominë franceze”.
Nuk është e qartë se sa do të zgjasin bllokadat.
Në ditët në vijim, do të ketë thirrje për të zgjatur grevat për të përfshirë edhe prodhimin e energjisë./UBTNews/