Prokuroria Speciale e Republikës së Kosovës, ka paralajmëruar se do të marrë të gjitha veprimet e nevojshme hetimore për të gjithë personat e përfshirë në afera korruptive në sistemin e drejtësisë, për të cilat u raportua në media.
Në komunikatën e Prokurorisë Speciale, thuhet se hetimi do të bëhet në përputhje me kompetencat ligjore.
“Prokuroria Speciale e Republikës së Kosovës ka analizuar të gjitha të dhënat e transmetuara në këtë hulumtim medial dhe do të marrë të gjitha veprimet e nevojshme hetimore në përputhje me kompetencat ligjore dhe kushtetuese të saj, për të gjithë personat e përfshirë në këtë rast”, thuhet në komunikatë.