Prodhuesi tajvanez i baterive, Prologium, do të investojë miliarda dollarë në ndërtimin e një fabrike të re në Francën veriore. Kjo është fabrika e parë e kompanisë në Evropë.
Kompania shpreson të fillojë prodhimin në fund të vitit 2026 dhe të zgjerohet përgjatë disa viteve derisa pritet të ketë rreth 3 mijë punonjës në fabrikë. Gjithashtu njoftoi se do të investojë 5.2 miliardë euro (5.7 miliardë dollarë) në Dunkirk deri në vitin 2030 dhe do të prodhojë bateri për qindra mijëra makina.
Grupi është i specializuar në zhvillimin e baterive “të ngurta” të cilat konsiderohen më të fuqishme, më të sigurta dhe më të shpejta për t’u karikuar sesa qelizat litium-jon që përdoren shpesh në automjetet elektrike./UBTNews/