Kryeministri i Kosovës, Albin Kurti do të takohet nesër me homologun e tij francez, Emmanuel Macron.
Sipas agjendës së publikuar në faqen zyrtare të presidentit francez, takimi do të nisë në orën 19:30 në Pallatin Elysee në Paris.
Ftesën për takimin e së mërkurës, presidenti i Francës ia kishte dërguar tre muaj më parë kreut të ekzekutivit kosovar, pasi ai kishte fituar zgjedhjet e 14 shkurtit, njofton Klankosova.tv.
Në mesin e temave të bisedimeve në takimin Kurti-Macron do të jetë edhe procesi i dialogut Kosovë-Serbi.