Presidenti i Ukrainës, Volodymyr Zelensky ka vizituar trupat në rajonin e Kharkiv, në vijën e frontit lindor të shkatërruar të vendit.
Rusia “tashmë ka humbur jo vetëm betejën” për Kharkivin, Kievin dhe Ukrainën veriore, por edhe “të ardhmen e saj dhe çdo lidhje kulturore me botën e lirë”, tha Presidenti Volodymyr Zelensky në fjalimin e tij të natës, raporton BBC.
Fjalimi erdhi pas vizitës së tij në vijën e frontit në rajonin e Kharkiv, ku disa nga luftimet më të ashpra vazhdojnë ndërsa pushtimi rus po afron 100 ditë.
Rusia ka bombarduar pa pushim Ukrainën lindore ndërsa përpiqet të largojë forcat e vendit nga rajoni i Donbasit – një zonë që ajo e ka përshkruar si një “prioritet”.
Ndërkohë, BE dështoi të arrijë një marrëveshje për sanksione të reja kundër Rusisë, ndërsa Hungaria, një aleate e Moskës, vazhdon t’i bllokojë ato për shkak të frikës për furnizimet me energji.
Një tjetër aleat rus, Serbia, njoftoi se ka siguruar një marrëveshje “jashtëzakonisht të favorshme” trevjeçare me Moskën për furnizimin me gaz natyror.