Presidenti ukrainas, Volodymyr Zelensky vizitoi qytetin Bucha, pasi fotografitë e trupave të civilëve të shpërndarë nëpër rrugë ngjallën reagim ndërkombëtar. Ai iu drejtua kamerave shkurtimisht, duke thënë se ishte “shumë e vështirë” për Ukrainën të negocionte me Rusinë pas mizorive të kryera nga forcat ruse në Bucha.
Zelensky tha se mizoritë e kryera në qytet karakterizojnë “natyrën e ushtrisë ruse” dhe shtoi se ata “i trajtojnë njerëzit më keq se kafshët”.
“Është shumë e vështirë të negociosh kur e sheh se çfarë kanë bërë këtu”, deklaroi presidenti.
Ai shtoi se nëse Rusia vazhdon të sillet kështu, situata do të përkeqësohet edhe më tej./UBTNews/