Tinubu, 71 vjeç, mori detyrën nga Muhammadu Buhari më 29 maj pas fitores në zgjedhjet në shkurt, rezultatet e të cilave po kundërshtohen në gjykatë nga partitë opozitare.
Zëvendësimi i personelit kyç është i zakonshëm për presidentët e rinj nigerianë, por Tinubu kishte premtuar ta bënte sigurinë një prioritet ndërsa vendi përballet me dhunën në disa rajone.
Një deklaratë presidenciale e lëshuar të hënën vonë tha se Tinubu bëri emërimet pasi shkarkoi të gjithë shefat dhe këshilltarët e shërbimit ushtarak në detyrë, si dhe shefin e policisë kombëtare dhe kreun e shërbimit doganor, “me efekt të menjëhershëm”.
Shefat e rinj të shërbimit përfshijnë një ish-bos anti-korrupsion, Mallam Nuhu Ribadu, si këshilltar për sigurinë kombëtare.
Gjeneralmajor C.G Musa, i cili ishte përgjegjës për luftimin e një kryengritjeje xhihadiste në veri të vendit, është emëruar shef i shtabit të mbrojtjes.
Kayode Egbetokun është emëruar ushtrues detyre i inspektorit të përgjithshëm të forcës policore kombëtare.
Javën e kaluar, presidenti shkarkoi guvernatorin e bankës qendrore, Godwin Emefiele, si dhe kreun e agjencisë kundër korrupsionit, për të ndihmuar në konsolidimin e administratës së tij të re./UBTNews/