Presidenti i Izraelit i ka bërë thirrje kryeministrit Benjamin Netanyahu që të “ndalojë menjëherë procesin legjislativ” pasi kryeministri shkaktoi protesta të gjera dhe një grevë kombëtare duke shkarkuar ministrin e tij të mbrojtjes, pasi ky i fundit kundërshtoi reformat në drejtësi.
Netanyahu pritej të njoftonte këtë mëngjes se po i ndalte planet e tij, megjithëse deklarata e tij publike u shty pasi një aleat i koalicionit i kërkoi atij të mos tërhiqej, raportoi Channel 12 TV.
Presidenti Isaac Herzog, kreu i shtetit që supozohet të qëndrojë mbi politikën, tha se “sytë e gjithë botës janë mbi ju” pas shkarkimit të Yoav Gallant të dielën.
Një numër në rritje i rezervistëve të Forcave të Mbrojtjes izraelite kanë hyrë në grevë në shenjë proteste ndaj propozimeve të qeverisë./UBTNews/