Presidenti i Bjellorusisë, Alexander Lukashenko, i cili nuk është parë në publik që nga 8 maji, nuk u shfaq në një ceremoni në kryeqytetin Minsk të dielën, duke shkaktuar spekulime se lideri prej kohësh është i sëmurë rëndë.
Kryeministri, Roman Golovchenko, lexoi një mesazh nga Lukashenko gjatë një ceremonie vjetore në të cilën të rinjtë betohen për besnikëri ndaj flamurit të ish-shtetit sovjetik, njoftoi agjencia shtetërore e lajmeve BelTA.
Nuk u dha asnjë arsye për mungesën e Lukashenkos pesë ditë pasi ai u shfaq i sëmurë dhe kaloi pjesë të kohë në Moskë në eventet që shënuan fitoren e Bashkimit Sovjetik ndaj Gjermanisë në Luftën e Dytë Botërore.
Lukashenko gjithashtu nuk foli në një ngjarje në Minsk për përvjetorin e Ditës së Fitores, për herë të parë në presidencën e tij të gjatë. Ajo ngjarje, të martën e kaluar, ishte hera e fundit që ai u pa në publik./UBTNews/