Pamjet ajrore zbulojnë dëme të mëdha në portin e Gazës, duke theksuar ndikimin e vazhdueshëm të sulmeve ajrore izraelite në rajonin e bllokuar.
Porti, që ndodhet pranë qarkut Rimal, ka pësuar shkatërrim të konsiderueshëm në objektet e tij dhe ndërtesat pranë bregdetit shkaku i ofensivës izraelite që ka vazhduar për më shumë se 16 muaj.
Porti, i cili dikur ishte qendër e rëndësishme e tregtisë detare dhe e peshkimit për qytetin e Gazës, tani është plotësisht bosh.
Që nga 19 janari, në Gaza është në fuqi një marrëveshje armëpushimi, duke ndalur luftën izraelite që ka shkaktuar shkatërrim të gjerë dhe ka lënë enklavën palestineze në gërmadha.
Pavarësisht marrëveshjes, autoritetet lokale të Gazës raportuan pothuajse çdo ditë shkelje të armëpushimit nga ushtria izraelite.
Gjykata Ndërkombëtare Penale (GJNP) lëshoi urdhërarreste në nëntor të vitit të kaluar për kryeministrin izraelit Benjamin Netanyahu dhe ish-ministrin e Mbrojtjes, Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me padi për gjenocid në Gjykatën Ndërkombëtare të Drejtësisë (GJND) për luftën e tij në enklavë.