Policia në Norvegji ka ndaluar një protestë të planifikuar për djegien e një kopje të librit të shenjtë islamik, Kuranit, disa orë pasi Ministria e Jashtme turke e thirri ambasadorin norvegjez për t’u ankuar.
Policia njoftoi se një grup protestuesish planifikuan të digjnin një kopje të Kuranit jashtë ambasadës turke në Oslo të premten.
“Policia thekson se djegia e Kuranit është një deklaratë politike ligjore në Norvegji, por kjo ngjarje nuk mund të vazhdojë për shkak të shqetësimeve të sigurisë”, tha në një deklaratë të enjten inspektori i policisë së Oslos, Martin Strand.
Incidenti vjen pas një proteste në kryeqytetin e Suedisë muajin e kaluar pranë ambasadës turke, ku politikani i ekstremit të djathtë danezo-suedez, Rasmus Paludan, dogji një kopje të Kuranit./UBTNews/