Policia e Kosovës është duke zhvilluar një operacion policor në Agjencinë për Zhvillimin e Bujqësisë në kuadër të Ministrisë së Bujqësisë
Rastin e ka konfirmuar për UBTNews, zëdhënësi i Policisë së Kosovës, Baki Kelani. Ai ka deklaruar se PK-ja po realizon një operacion policor në disa lokacione, megjithëse detajet nuk u bënë të ditura.
“Mund të konfirmojmë se, Policia e Kosovës është duke e realizuar një operacion policor në disa lokacione, në rajone të ndryshme. Informacione shtesë mund të jipen pas përfundimit të operacionit policor”, deklaroi ai./UBTNews