Në një zhvillim të papritur, policia belge ka bastisur shtëpinë e Didier Reynders, ish-komisionerit të Bashkimit Europian dhe ish-ministër i Financave dhe i Jashtëm i Belgjikës, pas dyshimeve për pastrim parash. Hetimi, i cili u raportua për herë të parë nga gazeta belge Le Soir, ka nxjerrë në pah një rast që përfshin transaksione financiare të dyshimta dhe mundësinë e përdorimit të lojërave të fatit për pastrimin e parave.
Reynders, i cili ka shërbyer si ministër i Financave nga viti 1999 deri në vitin 2011 dhe ministër i Jashtëm nga 2011 deri në 2019, mori detyrën si Komisioner i Drejtësisë i BE-së në vitin 2019. Sipas raporteve, ai u mor në pyetje nga autoritetet belgo-ligjore të martën pasdite, por nuk u arrestua.
Prokuroria e Brukselit ka konfirmuar se hetimi është ende në vazhdim, por ka preferuar të mos jep më shumë detaje për këtë çështje.
Sipas ligjit belg, Reynders ka ende imunitet për shkak të statusit të tij si komisioner, edhe pse mandati i tij ka përfunduar që më 30 nëntor 2024. Kjo do të thotë se ai mund të hetohet dhe të marrë në pyetje, por nuk mund të arrestohet përpara se të përfundojë çdo procedurë ligjore ndaj tij. Dyshimet kundër Reynders përfshijnë blerjen e “biletave elektronike” të lotarisë me para të gatshme gjatë disa viteve, si dhe transferimin e fitimeve në llogarinë e tij private.
Këto bileta janë kupona llotarie me vlera që variojnë nga 1 deri në 100 euro dhe mund të përdoren për lojëra fatit online, ku fitimet mund të transferohen në llogaritë bankare të individëve. Media investigative “Follow the Money” ka theksuar se periudha që po hetohet fillon pas mandatit të tij si ministër i Financave dhe zgjat deri në vitin e kaluar, kur Reynders dyshohet se ka realizuar këto transaksione.
Autoritetet belgje janë gjithashtu të shqetësuara për mundësinë e përdorimit të lojërave të fatit si një mjet për pastrim parash, një fenomen që ka shpërthyer në shumë vende të botës dhe që kërkon vëmendje të veçantë nga institucionet e drejtësisë dhe financave./UBTNews/