Një polic është sulmuar nga një pasagjer, gjatë kontrollit të një automjeti në Prishtinë.
Në raportin 24-orësh të Policisë së Kosovës bëhet e ditur se si pasojë të dy kanë marrë trajtim mjekësor.
Me vendim të prokurorit, rasti ka shkuar në procedurë të rregullt.
“Rr. Fahri Fazliu, Prishtinë 28.03.2023-01:00. Lëndime trupore ka pësuar viktima mashkull kosovar, pjesëtar i PK-së, i cili derisa ka qenë në kryerje të detyrës zyrtare, gjatë legjitimit të një automjeti është sulmuar fizikisht nga i dyshuari mashkull kosovar (pasagjer). Viktima dhe i dyshuari kanë pranuar tretman mjekësor, me vendim të prokurorit , rast në procedurë të rregullt”, thuhet në raport.