Komisioni Evropian ka propozuar ndihmimin e Ukrainës për të eksportuar grurin dhe drithërat e saj përmes transportit hekurudhor, rrugor dhe përmes lumenjve – për të kapërcyer një bllokadë ruse në portet e Detit të Zi, që po i pengon ato furnizime të arrijnë në pjesë të botës.
Krahu ekzekutiv i BE-së tha se plani synon të krijojë rrugë alternative dhe të lehtësojë bllokimin midis kufijve, gjë që gjithashtu duhet të lehtësojë marrjen e ndihmave humanitare dhe mallrave të tjera në vendin e shkatërruar nga lufta.
“Njëzet milionë tonë drithëra duhet të largohen nga Ukraina në më pak se tre muaj duke përdorur infrastrukturën e BE-së”, tha Adina Valean, komisionerja e BE-së për transportin./UBTNews/