Një bankomat në rrugën “B” në Prishtinë është plaçkitur sot në rreth orës 05:30 të mëngjesit.
Zëdhënësja e Policisë së Kosovës për rajonin e Prishtinës, Flora Ahmeti deklaroi për UBTNews se dyshohet se plaçkitja është realizuar duke dëmtuar një bankomat të një banke me një mjet shpërthyes (eksploziv), nga disa persona të dyshuar të cilët në ikje e sipër kanë shtënë me armëzjarri në drejtim të një personi (roje).
“Nuk raportohet për persona të lënduar. Derisa ekzaminimi po vazhdon në vendngjarje, hetuesit policorë janë duke punuar në identifikimin dhe arrestimin e personave të dyshuar”, deklaroi më tej Ahmeti./UBTNews