Gjigandi farmaceutik amerikan Pfizer njoftoi të hënën se kishte arritur një marrëveshje për të blerë firmën bioteknike Seagen, e specializuar në trajtimin inovativ të kancerit, për 43 miliardë dollarë.
“Pfizer po përdor burimet e saj financiare për të çuar përpara betejën kundër kancerit”, tha CEO i Pfizer, Albert Bourla.
“Onkologjia vazhdon të jetë shtytësi më i madh i rritjes në mjekësinë globale dhe kjo blerje do të përmirësojë pozicionin e Pfizer në këtë hapësirë të rëndësishme”, shtoi Bourla.
Seagen – udhëheqës në kërkimin, zhvillimin dhe komercializimin e trajtimeve të kancerit – po rritet, me një rritje prej 12 përqind të të ardhurave të parashikuara këtë vit në 2.2 miliardë dollarë./UBTNews/