Kryesuesi i Këshillit Prokurorial të Kosovës, Jetish Maloku, në konferencën vjetore për medie ku prezantoi punën njëvjeçare të KPK-së, tha se dorëheqja e prokurorëve serbë ka krijuar një situatë jo të këndshme dhe komplekse dhe kërkesat e këtyre prokurorëve Këshilli ka vendosur t’i trajtojë një nga një dhe pas vitit të ri do të vendosin në mënyrë meritore për këto dorëheqje. Ai tha se KPK për të gjithë këta prokurorë ka marrë vendim për pezullim të pagave.
Maloku edhe njëherë ka shprehur kundërshtimin e Këshillit për procesin e vetingut me ndryshime kushtetuese. Sipas tij, një proces i tillë nuk është i dobishëm as për sistemin dhe as për qytetarët.
Në këtë konferencë, Maloku theksoi se gjatë këtij viti kanë arritur të hartojnë planin strategjik prokurorial 2022-2024, dhe rregullore të tjera.
Kryesuesi i KPK-së si sfidë për këtë institucion gjatë vitit 2022 e ka ngritur moszgjidhjen e kryeprokurorit të shtetit, uljen e pagave për gjyqtarët, buxhetin e vogël, kushtet jo të mira të hapësirave. Ai po ashtu tha se kanë pasur rezultate në luftimit të korrupsionit dhe krimit ekonomik.