Dy persona janë arrestuar në Prishtinë nën dyshimin se janë përfshirë në një përleshje fizike me një person tjetër.
Ngjarja ka ndodhur në orët e para të mëngjesit të 28 korrikut, ndërsa viktima ka pësuar lëndime trupore dhe është dërguar në Qendrën Klinike Universitare të Kosovës për trajtim mjekësor.
Policia ka bërë të ditur se në vendin e ngjarjes janë gjetur dhe konfiskuar tre gëzhoja si dëshmi materiale, ndërsa arma e dyshuar e përdorur në incident ende nuk është lokalizuar.
Me vendim të prokurorit, dy të dyshuarit janë dërguar në mbajtje, ndërsa rasti vazhdon të hetohet./A.K/