Ministrja e Arsimit, Arbërie Nagavci, ka reaguar pas një vendimi që doli në media, për largimin nga puna të mësueses me mbulesë në Suharekë.
Nagavci është përgjigjur në pyetjen e një komentueseje në rrjetet sociale, duke e vlerësuar vendimin e paligjshëm.
“Ky Vendim, nëse ekziston vërtetë, është i paligjshëm, i padrejtë dhe si i tillë nuk shkakton asnjë pasojë juridike”, ka shkruar Nagavci.
Ndryshe, Këshilli i një shkolle në Suharekë vendosi ta largojë nga puna një mësuese pasi ishte me mbulesë.
Kryetari i komunës, Bali Muharremaj, vlerësoi se vendimi nuk ka asnjë vlerë juridike.