Sërish ka dështuar miratimi i amendamentit të propozuar nga deputeti i LVV-së, Visar Korenica. Vetëm 38 deputetë kanë marrë pjesë në këtë votim për projektligjin për shëndetin riprodhues dhe fertilizim të asistuar mjekësor.
Në seancën e sotme plenare kanë dështuar të miratohen dy amendamente të propozuara për projektligjin për Zyrtarët Publikë.
Pas dështimit të këtyre projektligjeve, kryetari i Kuvendit të Kosovës, Glauk Konjufca ka ftuar për diskutim shefen e Grupit Parlamentar të Lëvizjes Vetëvendosje, Mimoza Kusari Lila.
“Me sa po e kuptojë gjendjen brenda grupit të mazhorancës, së paku tre deputetë nuk do të votojnë asgjë, asnjë projektligj. Kështu që nuk ka kuorum Kuvendi për të vazhduar. Caktojmë ndonjë ditë një seancë tjetër, me gjasë javën e ardhshme”, deklaroi Konjufca./UBTnews/